(LYRICS) CEBUANO, BISAYA HYMNALS / BISAYANG ALAWITON AND FREE CHURCH CHOIR MUSIC SHEETS

  Si Cristo Ba Lang Magpas-an (Must Jesus Bear The Cross Alone) A 6/4 (G)   1.      Si Cristo ba lang magpas-an Way labut ba kita? Dili kay tagsa-tagsa man Magpas-an sa krus Nya   2.      Ang krus hinalad dad-on Hangtud nga mamatay Ug sa langitnon nga dapit Purong-purongan ko   3.      Sa linagbasang tiil Nya Akong igabutang Ang bulawang korona ko Ug daygon ko Siya

Ang Pagtugyan (Surrender) Db 4/4 (C)   1.      Ang tanan ko nga naangkon Gitugyan ko kang Jesus Kabubut-on Niya sundon Sya ang kinabuhi   Coro:             May langitnon nga kalipay             Sa gitugyan kong tanan             Katakus ihalad nako             Samtang sundon ko Siya   2.      Masayon da ang pagtugyan Kon sala isugid ko Ang tanan kong kabalaka Kang Jesus itugyan ko   3.      Ang kalinaw ug pahulay Kang Jesus hingpalgan ko Sya kanako ang motabang Sa pagbugti sa sala  

  Ang Bantugang Mananambal (The Great Physician) Eb 6/8 (D)   1.      Ang maluly-on nga Jesus Bantugang Mananambal Ang Pulong Nya mohupay man Sa dunay balatian   Coro:             Ang ngalan Niyang matahum             Pagaawiton sa langit             Ngalan nga labing tam-is             Jesus nga Bulahan   2.      Ang kasal-anan kong tanan Ni Cristo gipasaylo Purong-purongan man Ikaw Sa Hari nga langitnon   3.      Ihatag nako kang Jesus Tanan nga pagdalayeg Ang ngalan sa Manunubos Ginahigugma nako   4.      Kahadlok, kasal-anan ko Gikuha sa Ginoo Kalag ko malipayon na Tungod sa ngalan Niya

  Si Cristo Alagaron Ko (I’ll Live For Him) F 3/4 (F)   1.      Ang gugma’g kinabuhi ko Kini ihalad ko, Jesus Matinumanon unta ko Kanimo Ginoo   Coro:             Si Cristo alagaron ko             Kay Sya rang nagpakamatay             Magkinabuhi ko Niya             Dios ug Ginoo ko   2.      Nagtoo ko sa gugma Mo Kay nagpakamatay Ikaw Busa Ikaw saligan ko Ginoo kong Jesus   3.      Gilansang Ka didto sa krus Aron kalag ko maluwas King kinabuhi ko gayud Itugyan ko, Jesus

  Sa Dughan Ni Jesus (Near To The Heart Of God) Db 4/4 (D)   1.      May kapahulayan ta Sa dughan ni Jesus Dapit nga wa nay motugaw Sa dughan ni Jesus   Coro:             Jesus nga Manunubos             Nga gihatag sa Dios             Imo kaming kugoson             Sikit sa dughan Mo   2.      May malipayon nga dapit Sa dughan ni Jesus Dapit nga Makita ang Dios Sa dughan ni Jesus   3.      May nahipalgan kong dapit Nga may kagawasan Dapit nga wa nay kaguol Sa dughan ni Jesus

  Pamation Mo (Hear Our Prayer, O Lord) D 4/4 (D)   Among pag-ampo Pamation Mo Ihatag Ginoo Ang kalinaw Mo. AMEN.

  Mabalaka Ba Si Jesus (Does Jesus Care) Db 6/8 (C)   1.      Kon kasingkasing ko mabug-at, Ug matingban sa kaguol; Kon ang panaw ko daw malaay man, Mabalaka ba si Jesus?   Coro Oo may kabalaka S’ya Ug maluloy-on usab; Sa kakapoy nako ug kagul-anan, May kabalaka Siya.   2.      Kon mangitngit ang agian ko, Bisan sa mga kakuyaw; Kon maginusara na lang ako, Mabalaka ba si Jesus?   3.      May kabalaka ba si Jesus, Sa mga kapakyasan ko? Kon ako way laing kapaingnan, Mabalaka ba si Jesus?   4.      Kon kamatayon modangat na, Sa mga pinalangga ko; Ug mabug-at ang kasingkasing ko, Mabalaka ba si Jesus?

  Duol Kamong May Kamingaw (Come Ye Deconsolate) Db 4/4 (C)   1.      Duol kamong tanan nga may kaminaw Kang Jesus modangop nga magluhod Mga pagbakho mo, itugyan kang Jesus Paghupayon Niya’ng kasub-anan mo   2.      Ang mga nasubo dunay kalipay Sya ang paglaum nga di mahanaw Atong mabatian ang maglilipay ta Walay kasub-anan nga di mabulong   3.      Tubig, tubig, Sya sa kinabuhi Gikan sa trono Nya nga putli man Sa gugmang bug-os man duola na Siya Walay kasub-anan nga di mawala

  Pakigdait, Hatag sa Dios (Sweet Peace, The Gift of God’s Love) A 6/8 (G)   1.      Sa akong dughan moabot, (gayud) Honi nga masadya gayud (gayud) Awiton ko sa makadaghan Kalinaw’ng hatag sa Dios   Coro:             Pakigdait,             Hatag sa gugma sa Dios (sa Dios)             O Kahibulongang hatag             Kalinaw’ng hatag sa Dios   2.      Sa pagkamatay ni Jesus (Jesus) Nabayran tanang utang ko (nako) Ang patukoranan nga dayon Maoy kalinaw sa Dios   3.      Sa pagdawat ko kang Jesus (Jesus) Naangkon sa akong kalag (kalag) Ang daghang mga panalangin Kalinaw’ng hatag sa Dios   4.      Kang Cristo pabilin ako (ako) Haduol sa Iyang luyo (luyo) Way laing maghari kanako Kalinaw lang ni Jesus

  Naningkamot Ko Pagtungas (Higher Ground) Ab 3/4 (G)   1.      Naningkamot ko pagtungas Matag adlaw paitaas Kanunay’ng nangaliya ko “Ning dapit ako dad-a”   Coro:             Ginoo patindoga ko             Sa dapit nga may pagdaug             May hataas pa nga dapit             Ginoo, dad-a ko didto   2.      Mao kining tinguha ko Nga akong dag-on ang sala Sa pagtoo nabati ko Ang awit sa kadaugan   3.      Buot ko nga malantawan Ang dan-ag sa himaya Mo Kanunay’ng nangaliya ko “Dad-a ko sa himaya Mo”

  Ang Dios Nga Balaan (Take Time To Be Holy) F 6/8 (E)   1.      Ang Dios nga balaan palandungon mo Pabilin kang Cristo ug sa Pulong Nya Makighigalaay sa maluyahon Iyang panalangin pangayoon Mo   2.      Ang Dios nga balaan palandungon mo Kaniya ikaw magpakig-ambitay Pagsud-ong Kaniya, mahisama ka Sa Imong pagbuhat Makita Siya   3.      Ang Dios nga balaan palandungon mo Sundon sa gihapon si Jesus gayud Kalipay, kamingaw, dad-a kang Jesus Kaniya magtutok, sumalig gayud   4.      Ang Dios nga balaan palandungon mo May dayong kalinaw sa imong kalag Sa Iyang pagmando, tultolan ikaw Ngadto sa himaya sa Diosnong balay

                                                               Kang Cristo Mahisama Unta Ko (More Like The Master) Db 6/8 (C)   1.      Kang Cristo mahisama unta ko Sa pagkamapainubsanon Nya Mabinuhaton, tugob sa kalumo Matinumanon sa kabubut-on Nya   Coro:             Cristo Jesus, Imoha na ako             King kinabuhi ko pagmandoi             Cristo Jesus, ako hinloan Mo             Ug pasayloa ang kasal-anan ko   2.      Kang Cristo mahisama unta ko Maoy pag-ampo ug pangandoy ko Sa kalisdanan ko maga-antos lang Nagapangabig sa mga Nawala   3.      Kang Cristo mahisama unta ko Mahigugma ngadto sa uban Sama kang Cristo unta magpa-ubos Nagapangandoy’ng masama kang Jesus

  Pagkatam-is Nga Kuyogan (Step by Step) F 4/4 (E)   1.      Pagkatam-is nga kuyogan Ni Jesus matag adlaw Sundon ko ang tunob Niya Hangtud sa kahangturan   Coro:             Sundon ko si Jesus             Sa tanan nga dalan             Adlaw-adlaw’ng tanan Sundon ko si Jesus   2.      Kadautan halayo man Kon kuyog ta si Jesus Sa Iyang bukton mosandig Way modagmal gyud nato   3.      Akong sundon ang Ginoo Bisan sa matag gutlo Ang dapit nga hataas man Ako nga pagtungason   4.      Ipaduol ko Ginoo Kanimo matag adlaw Sundon ko ang tunob Nya Mosunod bisan asa

  Moadto Ako Sa Tanang Dapit (I’ll Go Where You Want Me To Go) F 6/8 (E)   1.      Bisan asang kabukiran man Kon sa halayong baybay Bisan sa dapit nga malisod Gamiton ako sa Dios Unya kon ang tingog ni Jesus Kanako man magtawag Ang Iyang sugo tumanon ko Bisan asa man nga dapit   Coro:             Moadto ako sa tanang dapit             Sa pagmando Mo mosunod             Andam ko sa pagsangyaw sa Pulong Mo             Buot Nimo tumanon   2.      Tingali may pulong sa gugma Nga ikasugilon ko May nasalaag nga mga tawo Nga unta saksihan ko Mandoi ako Manluluwas Sa mangitngit kong dalan King dila ko pagamiton Mo Sapagsangyaw sa Pulong Mo   3.      Ako nasayud nga may dapit Niini nga yuta ta Diin man maka-alagad ko Kang Cristo nga nagtubos Busa igatugyan kong tanan Kanimo Ginoo ko Ug samtang may kinabuhi ko Sa bug-os pagasundon Ka

  O Gugmang Nagpugong Kanako (O Love That Wilt Not Let Me Go)             Ab 4/2 (G)   1.      O gugmang nagpugong kanako Nagasalig ako Kanimo Ang kinabuhi ko itugyan Ug sa Imo nga pagkupot Kanunay’ng motubo   2.      O lamdag sa tanan nga dalan Kining sulo nako dawata Silaw’ng hinulaman iuli Kahayag Mong nagbanaag Kanako nagdan-ag   3.      Kalipay bisan sa kasakit Kanunay nako nga nangita Ang bangaw sa ulan malantaw Matuod man ang saad Mo Wa na unya’y luha   4.      Jesus Imo akong gilipay Ug dili ko Ikaw talikdan Kong unya ila kong tabunan Sa yuta gyud mobuklad man Ang pagkabanhaw ko. AMEN

  Mosunod Ako Kaniya (Where He Leads Me) F 4/4 (F)   1.      Ang tawag nabati nako, ni Jesus nga Manluluwas; Iyang tanyag pamatii,   “Krus mo dad-a, sundon mo Ako.”   Koro:                          Mosunod ako kaniya Bisan asa pagadad-a Mosunod sa Iyang mando   Bisan asa mosunod ako   2.      Mokuyog ako Kaniya, Kalisdanan, kasub-anan; Mosunod sa walay langan Ug sa dalan Niya magasunod   3.      Modangop ako Kaniya sa hukom nga katapusan; Kay Sya akong Manunubos Busa wa ako’y kahadlokan   4.      Magahatag S’ya kanako Grasya Niya ug himaya; Mouban Siya kanako Bisan asa sa pagpanaw ko